問題(problem), 問題 (question)

好奇一問: 若一問題(problem)搞咗好耐都未解決,會唔會因為問錯問題(question)? 定係大家已經習慣咗個問題,問題變咗做話題 (topic),傾下就算,千秋萬代傾落去? (讀方法學上的討論爭論,有感而問)

早咗,因為以為遲咗

超搞笑: 今朝有嘢做,見9:45,趕頭趕命搭車出去。一路都有睇手機,就到嘅時候,望一望幾點 ... 9:17?手機時間錯咗?望下街啲鐘,真係9:17喎!我睇咗8:45做9:45,早咗一個鐘喎!

功課: 我都係睇跳字鐘安全啲。

感動兼安慰

呢兩日好感動。因事我呢兩朝要一個搞兩個小朋友起身返學,撞啱又多嘢做,要多工運作,但佢地都好合作。噚朝阿仔叫兩叫就起身,重有時間畫一陣圖畫先出門口。今朝重係阿女早起過我,幫手叫阿仔起身,佢又聽家姐話。小小阻滯緊有,但總括嚟講好合作。好安慰。^^