“街坊味”嘅茶餐廳

我雖然不善交際,但幾鐘意有“街坊味”嘅茶餐廳。我呢排成日喺某間細細茶餐廳食開乙餐,但今朝點餐時侍應聽錯咗係甲餐。佢有覆單,但我又以為佢啱。當時好多客,要搭枱,佢地好忙。點知轉頭另一個侍應走嚟,問我其實係咪要乙餐,幫我改返。不枉我成日幫襯。

以前喺氹仔有一間茶餐廳我成日去食早餐,朝朝叫奶茶。後來我一入到去,坐低未叫嘢,杯奶茶已經嚟到,應該係佢地見我入去已經沖定拎嚟。

茶餐廳,都可以好專業。

(2015-09-15 09:20 貼於 Facebook)

1 則留言:

  1. 我這年常幫襯一間茶餐廳,次次跟餐飲品都要奶茶,一日忽然想飲咖啡,便跟咖啡,落單後,另一資深侍應望到,覺唔對路,專登走過來問我是否要奶茶~~哈哈哈
    這種街坊味感覺頗不錯啊~~

    Maxwell Ho

    回覆刪除