“紅昏”?“綠昏”?

太太話我知一件搞笑事。

阿仔問乜嘢係黃昏。太太話太陽變黃色時,咪黃昏囉。

跟住阿仔問:咁有冇“紅昏”同“綠昏”㗎?

:)

設身處地

設身處地,嘗試從別人角度思考,很難很難。通常一句“我明白你情況”,之後一句許多時是以“但是”開始。其實,有多“明白”?還是真正想說的那句是“你不明白我”?抽身想想,我都經常不懂由衷地設身處地。

但即使難,仍要努力學。加油!(對自己說,:))

園遊會, 手語

又到園遊會。都鐘意帶小朋友去玩,但又好怕嘈。此所以點解覺得 hard of hearing / oral deaf 都要諗諗學手語,因為總有戴機都冇乜用嘅時候。(如果有親子手語班就好。:p)

(2015-11-08 2031 貼於 facebook)

「合畫」畫

 
 
除咗中小學,一直都未有機會去學下畫畫。估唔到第一次去係早排陪阿女去親子畫班,重係「合作」畫。

其實都唔算合作,本來係一人一幅。但我畫完,阿女話好唔靚,要幫我畫靚佢,所以有呢幅「合畫」畫。:)

Outlook, Thunderbird, Gmail

2009年8月我咁寫: 「用咗 Outlook 多年, 今年決定轉投 Thunderbird + Lightning 懷抱. 唔知點解運行得唔係咁穩定, 但勝在唔使錢.」

唔經唔覺,又離開咗 Thunderbird 好多年,轉咗 Gmail。都有風險,上唔到網,就麻煩。要計劃下做備份先得。

Facebook 2009 ....

Facebook 忽然彈返我 2009 啲 status updates 出嚟,好奇望下,見返啲再都去唔到嘅連結。互聯網,唔係永恒嘅。

有啲 status updates 都幾值得回味。2009 年,好有意義,因為大女出世,做新手爸媽。眨下眼,就升咗小學。:)

「聲控巴士」?

今朝搭巴士,途中阿仔忽然怪叫。之後嘅對話大約係咁...
我問:「你點解扮怪獸嘅?」
佢答:「我嗌,架巴士就會行囉。喇,係咪呀,佢行緊呀!」
我問:「咁你唔嗌呢?」
佢答:「如果係綠燈,我唔嗌,佢都會行嘅。」
我問:「咁紅燈呢?」
佢答:「紅燈呢,就我嗌佢都唔會行嘅㗎。佢而家咪唔行囉。」

猜想一:科學精神,係生而有之嘅。
猜想二:科學方法,係要學嘅。:p

「媽咪」陪返學

一向都係我送阿仔返學。噚朝早,佢扭計,話要媽咪送,但媽咪又要睇住阿女,因為佢考試,中午先要出去。

媽咪有計仔,俾粒糖阿仔,話粒糖代表媽咪,陪佢返學。

阿仔帶點哀怨咁話:「但係我唔想食咗媽咪呀....」 :)

幸好最後佢都開開心心咁帶埋粒「媽咪」返學。