阿仔噚日忽然同我講話:「米奇呀!」原來佢係講舊雲。睇落又有啲似。^^ (冇修圖,原汁原味。) (澳門望去氹仔)

「乜嘢係口味唔同?」

噚日接阿仔放學搭巴士時,佢忽然提起Wall-E,話家姐鐘意,佢唔鐘意,佢驚。我話唔緊要,「口味唔同。」
 
跟住佢好認真咁問:「乜嘢係口味唔同?係咪個口有味?」

大人講,係爛 gag。小朋友講,係可愛。^^

《澳門戲院誌》

今日去書局,本來係專登去買另一本書,結果,買咗呢本:《澳門戲院誌


姐弟情

家姐細佬鬧下交爭下嘢,好平常,有時都搞到我地有啲頭痛。不過佢地兩個都有自發傾下計玩下傻下嘅開心時間。^^ 有時喺呢啲時間,我都會唔干擾佢地,喺旁邊(或後邊, :p)靜靜拍十幾秒至半分鐘嘅小片段。希望儲埋儲埋,第時佢地大個,可以回憶下呢啲開心嘅時刻。:)

人自拍我被拍?

頭先喺巴士,前排乘客喺度自拍,本來都冇為意,因為我嗰排比前排高,諗住影唔到我。但唔覺意見到自己入咗鏡,下意識舉起揸住嘢嘅左手遮咗一遮。

但係,隻手係揸住手機!當時重好似垂直咗部手機,可能因為諗住覆蓋面大啲。(點解一瞬居然間會諗呢樣嘢?或者因為以前有打開龍門,成日要諗點樣封位啩。:p)

而呢個動作,同影相又差唔多。

而家諗返,人地之後睇返啲相,會唔會誤會咗我拍緊人地自拍?希望唔會啦。

(2016年6月10日貼於facebook)

手語貼圖?

忽發奇想,而家好多社交媒體都有動畫貼圖,唔知有冇人整咗啲動畫角色打手語嘅動畫貼圖?