意外意外,意料之外

一向同小朋友出街過馬路,都好守規則。雖然成日要同佢地解釋點解其他人唔守規則,但都堅持。

今日送兩姐弟返學,過馬路前,同細佬講緊嘢,對面嘅人又好似全部過緊嚟,行咗一步,發覺遠方嘅車好似唔停,重有司機揚手示意我過。心諗,冇理由㗎,紅綠燈喎,唔係綠燈咩? 使乜揚手?

阿女話:「紅燈呀!」

即刻返上行人路,同即時讚阿女。

其實成件事都係一兩秒間。

提醒一: 過馬路「前」,唔好傾計。
提醒二: 就算全部人都過,唔等如係綠燈。(不嬲都知,:p , 不過提自己多一次。)
提醒三: 過馬路時,無論乜嘢燈,都要望車嚟嘅方向,有錯都可即時糾錯。
提醒四: 平時再小心,都有出錯機會。就算平時做開,都不妨再提醒下自己,會更小心。
提醒五: 身教有用。

沒有留言:

發佈留言