八歲電腦

有部電腦用咗八年,之前間唔中就要試幾次先開到機,或甚至試極都開唔到,過幾個鐘試,又會忽然開到。但就算開到,有時又會入唔到POST畫面。原來佢同時有兩個病,但兩個病嘅病徵又唔係成日出現。我一時大意兼心急,要搞一輪先發現到。一係機箱電源制唔穩定。我用咗咁耐電腦都未時過壞呢樣,早幾日忽然諗起冇檢查呢樣。唔插機箱電源制條線,攞鏍絲批,次次一插就開到,所以推斷係機箱電源制壞。解決咗呢樣,淨返嘅就好辦。拎走晒啲嘢再一件一件插返,原來 RAM 又壞壞地。咁啱早排又問屋企人有冇唔用嘅舊 RAM,攞定啲看門口,所以有 RAM 可以換落去。如果唔係,都幾難買到啱佢嘅 RAM。

搞咗咁耐,呢部八歲嘅機又用得返。佢係真真地嘅舊機,CPU連底板連機箱未換過,本來重有軟碟機,不過早排拆走咗。裝資料嘅硬碟重係行IDE。只係OS硬碟換咗 SSD。

唔知佢重可以再服務幾耐?整佢之前,屋企人都重日日有用佢。:)